ОСОМНИЧЕНИ СЕ 28 ЛИЦА, ОД КОИ 3 ВО БОЛНИЦА, 18 ПРИТВОРЕНИ: Коцевски вели ќе одговараат и тие кои со неработење сносат дел од вината

Добивај вести на Viber

Оваа трагедија има димензии на национална катастрофа. На политиката не само што не и е тука место, туку таквата злоупотреба на трагедијата е апсолутно недопустлива. Мора да бидеме обединети, затоа што наш заеднички цел е да ги казниме сите одговорни и да обезбедиме дека ваква трагедија никогаш повеќе да се повтори, изјави државниот јавен обвинител Љупчо Коцевски.

Посчува дека предолго се толерирало непочитувањето на законот, сега сите бараат правда и правдата мора да биде задоволена.

- Доказите кои секој ден ги собираме укажуваат на тоа дека коренот всушност е една општа ерозија на системот, култура на непочитување на законот и правилата, но и длабока системска корупција. Обвинителството, за жал, не е орган на превенција, туку на репресија. Дали и како може да се спречеше ваков епилог? Би рекол, можеби. Но, сега е на нас да се соочиме со последиците, да ги казниме одговорните за оваа катастрофа и да спречиме да се повтори ваква трагедија - истакнува Коцевски.

Според него, заедничко за трагичните настани со кои се соочивме изминатите години е тоа што покрај директната причина за катастрофата, често постои и дополнителен причинител во вид на непочитување на законот и системска корупција, што, како што вели, значително ги зголемува катастрофалните последици.

- Но, она што е во овој случај многу болно е тоа што последиците се разочарувачки. Кочани е мал град на истокот на земјата. Во оваа трагедија, во само една ноќ, изгубивме скоро целата генерација млади луѓе од тоа мало место и од социолошки аспект би рекол дека ова е колективна трагедија која нашиот народ тешко ја поднесува - вели републичкиот обвинител.

Во однос на прашањето дали надлежните органи биле известени за овој настан и дали ја извршиле својата професионална должност која овој настан ја наметнувал, одговори дека сето тоа ќе се провери во рамки на истрагата.

- Сè тоа ќе провериме во рамки на истрагата. Сите тие закони и прописи постоеле на хартија, а до сега не сме пронашле скоро ниеден кој бил почитуван. До овој момент, во статус на осомничени се 28 лица, од кои три се во болница, 18 се притворени во предистражна постапка, а против седум полициски службеници се води истрага и тие се исто така во притвор. Доказите се собираат во изјави и во материјален облик, но и во форма на експертизи и стручни мислења од одредени области. Сите овие докази до сега упатуваат на сомневање за основно кривично дело – тешки дела против општа безбедност поради директно загрозување на животот и телото на лица, за што е предвидена казна до 20 години. Истражуваат и давање и примање на мито, незаконитости во набавката на пиротехнички средства, како и неколку други кривични дела, вели Коцевски.

Дополнува дека истрагата ќе биде брза, ефикасна и сеопфатна.

- Ќе одговараат и тие кои со неработење и непочитување на службените должности сносат дел од вината за катастрофата. Предолго се толерирало непочитувањето на законот, а исходот е поразувачки за сите нас. Сега сите бараат правда и правдата мора да биде задоволена, нагласува Коцевски.

Во несреќата која се случи во неделата рано наутро во дискотеката „Пулс“ во Кочани загинаа 59, а повредени се скоро 200 луѓе.