ОТКАКО ПАЦИЕНТ ПОЧИНА ВО КУМАНОВСКАТА БОЛНИЦА: Taравари го разреши директорот Стефан Трајановски
Објавено во: Македонија 19 Март, 2025 15:41
Откако почина пациент, министерот за здравство, Арбен Таравари го разреши директорот на Општата болница во Куманово, д-р Стефан Трајановски.
Одлуката следува по објавените информации во медиумите за случајот со 32-годишниот пациент, Ведат Адеми, кој починал откако му била администрирана венска терапија што содржела аналгин, иако имал алергија на оваа супстанца, што довело до анафилакса.
Таравари денеска потврди дека одлуката за смена на директорот е донесена врз основа на извештајот од Државниот здравствен и санитарен инспекторат, кој утврдил одредени неправилности во работата на болницата. Но, министерот не прецизираше за какви конкретни пропусти станува збор.
Смртта на Адеми ќе ја истражува експертски тим, а за тоа наредба дал лично министерот за здравство Таравари.
Ведат Адеми е роден во 1992 година, а починал завчера, и според сведоштвото на неговиот татко, смртта настапила од анафилактичен шок во болницата во Куманово, по примена терапија, иако во здравствена книшка стои дека е алергичен на аналгин.
Можеби ќе ве интересира
ОГНОТ Е ВИДЛИВ ОД БИТОЛА: Гори големо стрниште крај Црна Река
ФАКТОР НА ДЕНОТ: Уапсен Папазов и неговите претходници
И ШПАНИЈА ЌЕ ПОМОГНЕ: Седум повредени се префрлени во оваа земја
ДА МУ СЕ ДОДЕЛИ ДРЖАВЕН ОРДЕН: Граѓани бараат херојството на Јован да биде наградено
ПОЛИЦИЈАТА УАПСИ СКОПЈАНЕЦ: Најдени се 10.000 парчиња пиротехника на Бит Пазар
СТУДЕНТСКИ ПЛЕНУМ: Oд 20 часот до 21 часот сите во домовите да ги исклучиме светлата
ФИНЦИТЕ СЕ НАЈСРЕЌНИ ЛУЃЕ НА СВЕТОТ: Македонците се едни од најнесреќните во регионот и пошироко
БАРАЛ 16.000 ЕВРА МИТО, ПА НАМАЛИЛ НА 13.000 ЕВРА: Oбвинителството бара притвор за уапсениот раководител од Општина Маврово-Ростуше
