Откако почна најдолгиот полициски час во земјава, дури 46 лица се приведени
Објавено во: Македонија 18 Април, 2020
Откако почна најдолгиот полициски час во земјава, 77 лица не ја почитувале забраната, а приведени се 46 грачани.
„Во текот на изминатото деноноќие според статистиката на МВР за периодот 17/18.04.2020, по однос на забраната за движење, евидентирано е дека на ниво на целата држава 77 лица не ја почитувале забраната за движење, при што приведени се 46 лица, а за останатите се земени податоци и ќе следуваат соодветни мерки“, соопшто МВР.
Исто така, според статистичките податоци за изминатото деноноќие на 219 лица им се издадени решенија за изолација, а 84 лица потпишале изјави за самоизолација.
Од страна на полициски службеници извршени се контроли кај лица во изолација и самоизолација, при што не се евидентирани лица кои не ја почитувале мерката за изолација и самоизолација.