Добивај вести на Viber
Војната полиција започна опсежна истрага за ремонт на авионите МИГ21, кои се купени и ремонтирани во Украина.
Досега се откриени многу неправилности и се сомнева дека во оваа работа е исплатено мито. На Хрватското воено воздухопловство му се предадени 12 МИГ-ови во јули лани. Неколку месеци потоа военото воздухопловство располага само со 3 воени авиони, а уште 5 се повлечени од употреба.
Криминалисти утврдиле дека на авионите кои Хрватска ги купила од Украина, се прекуцани сериски броеви и тие не одговараат на броевите во документацијата на авионите и броевите кои стојат во договорите за ремонт.
Се покажало дека и вградените делови не одговараат со оние запишани во документацијата.
Истрагата покажала дека авионите се постари од тоа што пишува во документите, наводно за 4-5 години. Поради постојано расипување на авионите е започната истрага и се сомнева дека целата документација е лажирана и дека воопшто немало ремонт.