Откриена нова планета: Розово џуџе - најоддалечено тело во сончевиот систем
Објавено во: Свет 19 Декември, 2018
Научниците го открија најдалеченото небесно тело во нашиот сончев систем, кое е 120- 130 пати подалеку од Сонцето отколку Земјата, објави Карнеги Институтот за наука во Вашингтон. Оваа замрзната розова џуџе- планета која бавно се движи е толку далечна и необична, па астрономите и го дадоа името Farout (Далеку надвор).
Астрономот Скот Шепард изјави дека планетата џуџе, официјално именувана 2018 ВГ18, се оценува со дијаметар од 500 до 600 километри. Во Сончевиот систем има околу 50 планети џуџиња, најголеми се Плутон со дијаметар од околу 2.370 километри и Ерида со дијаметар од околу 2.325 километри.
- Кога видов објектот за прв пат, се движеше толку бавно, тоа беше најбавното нешто што некогаш сум го видел. Па некако промрморев во себе: Farout (Далеку надвор), нешто како „Тоа е одлично“, но е премногу далеку, па решив да го именувам Фарут- објаснува Шепард.
Неговото откритие беше објавено во понеделникот од страна на Центарот за џуџести планети на Меѓународната астрономска унија.
Фарут се движи толку бавно што е потребно повеќе од 1000 години за да заврти околу Сонцето.
Вториот најголем оддалечен забележан објект во Сончевиот систем е Ерида, чија орбита е околу 96 пати подалеку од растојанието од Сонцето до Земјата за споредба Плутон, кој орбитира на околу 34 пати од растојанието до Земјата од Сонцето.