Отворен саемот за туризам, бројот на гости во земјава расте

Добивај вести на Viber

Од денеска до 27-ти април, сите информации за туристичките аранжмани и оператори ќе бидат претставени на овогодишниот саемот за туризам „Скопје Травел Маркет“. „Скопје травел маркет 2013“ е вистинско место за промоција на атрактивни дестинации за патување, но уште повеќе и место за средби на туроператори, туристички агенции од регионот и пошироко, сопственици на туристички објекти, стручни и професионални туристички организации и здруженија, потенцијални инвеститори во туристичката индустрија, туристичко-угостителски комори,   рече министерот за економија Ваљон Сараќини во за време на отварањето. Според Сараќини, добар знак е зголемувањето на бројот на туристи и посетители од соседните држави и од регионот и од европските земји.Иако сезоната во Македонија почнува подоцна, веќе е зголемен бројот на туристите во февруари 2013, во однос на истиот месец лани за 8,7 отсто, а бројот на ноќевања е зголемен за 10,3 отсто, информираше министерот. На саемот за туризам годинава учествуваат тур-оператори од Србија, Турција, Црна Гора, Унгарија, Албанија, Грција, Северен Кипар и Италија, а покрај традиционалните туристички аранжмани, годинава за првпат се претставени туристички оператори за верски туризам. Поттик за ова манифестација е тоа што туризмот е значајна стопанска гранка, која има суштествена улога во економскиот развој, привлекувањето нови инвестиции, отворање работни места, промовирање на културните вредности и на природните богатства.