Ова е најголемата измама со кредитни картички во САД!
Објавено во: Свет 06 Февруари, 2013
Осумнаесет лица се обвинети за најголемата измама со кредитни картички на територијата на САД. Ако бидат осудени, можно е да добијат до 30 години затвор и парична казна од еден милион долари.
Групата користела 7.000 лажни личности за добивање на 25.000 кредитни картички, преку кои се стекнала со најмалку 200 милиони долари и успеале да измамат голем број кредитни агенции со вештачко подобрување на кредитните досиеја.
Измамниците дејствувале во најмалку 28 земји од 2007 година досега и пренесувале пари во Пакистан, Индија, Обединетите Арапски Емирати, Канада, Романија, Кина и Јапонија.