Ова се најбогатите жени на светот
Објавено во: Анализа 16 Јануари, 2015
Според податоците на „Wealth-X“ во светот моментално постојат 2,325 милијардери, а само нешто повеќе од 12 одсто се жени.
Тие заедно имаат 930 милијарди долари богатство, ги има 286, а само 17 одсто од парите ги стекнале сами, т.е со свој бизнис.
Просечно имаат 61 година, а преку 65 одсто од нив богатството го стекнале преку наследство.
Најбогатата жена на светот е Кристи Валтон со богатство проценето на 39.9 милијарди долари. Парите ги наследила после смртта на мажот Џон Валтон, основач на трговскиот ланец Валмарт.
Најбогата во Европа и најстара милијардерка е Лилиана Беттенкурт, наследничка на компанијата Л,Ореал со 31,3 милијарди долари.
Џина Рајхарт, „кралицата на глобалниот пазар со железо“ е најбогата во Австралија со нешто помалку од 15 милијарди долари, додека ќерките на милијардерот Карлос Слим, Ванеса Паола, Јохана Моника и Марија Соумаја делат 6,3 милијарди долари и така се најбогати во Латинска Америка.
Најбогатата жена во Азија е Јанг Хијан, наследничката на компанијата „Country Garden“ која воедно е и најмлада милијардерка на светот со 33 години.
На Блискиот Исток „владее“ Шари Арисон, наследничката на „Carnival Corporation“, додека во Африка тоа е Фолорунсхо Алакиј, основачка на компанијата „Фамта Оил“.
