Ова се најдобрите држави за иселениците

Добивај вести на Viber

Ако ја одбивате храната, игнорирате обичаите, се плашите од туѓата религијата и не сакате контакт со луѓе, тогаш е подобро да си останете дома, напиша авторот Џејмс Мишенер по едно свое патување надвор од САД. Оние кои патуваат секо мора да ги прифатат горенаведените работи. Некаде луѓето Ве прифаќаат подобро, на друго место се ладни кон Вас. Сепак, според истражувањето на „ HSBC’s Expat Explorer“ , најлесно им е на оние кои се иселиле на Кајмански Острови, во Австралија и Велика Британија. Тоа се трите нации каде што странците се спријателуваат  со локалното население, лесно се учи локалниот јазик, а интеграцијата во заедницата и новата култура одат релативно брзо, се истакнува во анкетата. Според „HSBC’s Expat Explorer“, ова се 10-те најпријателски земји во светот. 10. Малезија Добар квалитет на живот, задоволителен социјален живот, лесен транспорт и подобро домување отколку во матичната земја се причините поради кои Малезија се најде во првите 10 држави во кои странците лесно се интегрираат. Како пречка овде се посочува јазикот. 9. Јужна Африка Рангирана како деветта, Јужна Африка добива пофалби од страна на иселениците во голем број на области: добра рамнотежата кариера-приватеност, брзо сместување и добра здравствена заштита, одлични временски услови и брзо интегрирање во заедницата (со што се согласиле 67% од испитаниците). 8. Бермуди Оваа земја постигна особено добар резултат пред се поради квалитетот на животот, како што е можноста за високи приходи, но и можноста за евтино поседување брод или јахта. Голем плус за испитаниците е одличното време и близината на местата. 7. САД По нивното преселување во САД, 63% од иселениците почувствувувале дека нивниот квалитет на живот се подобрува. На 57% од нив им се допаѓа климата и пејсажот, 49% од анкетираните изјавиле дека лесно се стекнуваат пријатели, а74% велат дека тие би сакале да останат тука засекогаш. 6. Шпанија И покрај тоа што 92% од доселениците во Шпанија се загрижени од економската состојба, ретко кој од нив сака да се пресели од државата, а најголем дел велат дека активно се обиделе да го научат локалниот јазик (што е клучен фактор за интеграција). 71% од анкетираните доселеници исто така кажале дека нивната исхрана е подобрена откако пристигнале во Шпанија. 5. Нов Зеланд Иако лани Нов Зеланд беше на врвот на оваа листа, сепак  годинава се најде на високото 5-то место. Оценет е како  мошне пријателска земји, пред се поради лесната достапност на работа, брзо стекнување пријатели, добра клима и можност да се заработат пари. 4. Канада Оваа земја е рангирана како топ дестинација за одгледување на деца во овогодинешното истражување, но исто така се најде на врвот поради љубезноста на локалните жители (пофалба од 62% од доселениците) и социјалната интеграција. 3.Велика Британија И покрај ниската економски доверба на иселениците во Обединетото Кралство, 71% од нив сакаат да останат овде засекогаш. Исто толкав процент се согласиле дека брзо се интегрирале во локалната заедница. 2. Австралија Иселениците кои живеат „на крајот на светот“ во голема мера се задоволни од животот во Австралија, пред се поради пријатната клима и брзата социјална интеграција со  локалното население. 73% од доселениците изјавиле дека се многу добро прифатени и на новото работно место, а имаат и подобра рамнотежата работа-живот, отколку во нивните претходни држави.. 1. Кајмански Острови „Нема приходи и даноци, летото трае цела година, нема криминал и нема загадување", забележува шкотскиот иселеник  Стив Мектош. Кајмански Острови ги имаат сите погодности на градот, но заедницата е тесно поврзана меѓусебе.Тоа е причината зошто повеќето луѓе кои доаѓаат тука на кратко, остануваат цел живот.