Oва се непожелните гости на албанските плажи

Добивај вести на Viber

Албанците од Албанија не сакаат Албанци од Косово и Северна Македонија на нивните плажи.

Албанската полиција распиша потерница по двајца нејзини државјани заради поттикнување омраза, а за двајцата постојат сомненија дека ја напуштиле земјата и највројатно се засолниле во соседните земји, пренесува телевизјата Ора њуз.

Веста која ја пренесуваат и другите албански медиуми, повикувајќи се на порталот Инсајдер, наведуваат дека преку два видео записи тие упатуваат закана кон Албанците муслимани од Косово и Северна Македонија да не доаѓаат на одмор на албанското крајбрежје бидејќи „ќе бидат живи дерени, како што тоа им го правеле Србите на Албанците во Косово“.

Покрај ова и други навредливи зборови, Албанците муслимани од двете земји, кои заминале на одмор на плажите во Албанија, ги нарекуваат „валкана и карцерогена раса“.

Медумите наведуваат дека овие видеа што циркулираат на социјалните мрежи предизвикале голема вознемиреност меѓу Албанците од двете земји.

„По спроведените процедурални активности полицијата ги идентификуваше двете лица кои употребуваат говор на омраза. По  Антон Зефи (39) од Хот, Голема Малесија, и Луиѓ Марку (36) од Калмет, кај Лежа, распишана е потерница откако е утврдено дека се надвор од територијата на Република Албанија“, соопшти државната канцеларија за борба против тероризам.

Албанскиот Кривичен законик за кривичното дело „поттикнување омраза и нетрпение“ предвидува казна од две до 10 години затвор.

фото Википедија