Овчар исчезна во Новаци, потрагата отежнета поради лошото време
Објавено во: Македонија 24 Јануари, 2022
Полицијата од Новаци денеска извести за исчезнато лице (родено 1945 год.) во месноста Лешница, с.Градешница, во рамките на општина Новаци. Според неговиот син кој вчера го пријавил случајот, во 15:00 часот неговиот татко се изгубил на патот до неговото трло со овци.
„За настанот од страна на РЦУК Битола се известени ДЗС Битола, ЕЛС Новаци, Горската служба за спасување во Битола и Раководителот на РЦУК Битола“, објави Центарот за управување со кризи.
Утрово во 07,30 ч. потрагата по исчезнатото лице е прекината заради лошите временски услови на теренот и неможноста за трагање (силен ветар, многу ниски температури и намети од снег). Екипите на ДЗС Битола (2 возила со 8 лица) и ПС Новаци (2 полицајци) се повлечени.
Изгубеното лице сеуште не е пронајдено, брифираат од ЦУК.