Паѓа трговската размена на Кина
Објавено во: Економија 10 Јули, 2013 14:07
Кинескиот трговски суфицит во јуни е намален за 14 отсто односно на 27,13 милијарди долари, поради неочекуваниот пад на извозот и на увозот во втората по големина економија на светото, покажаа најновите податоци на кинеските власти.
Извозот е намален за 3,1 отсто, на 174,32 милијарди долари, а увозот паднал за 0,7 отсто односно на 147,19 милијарди долари, објави царинската управа на Кина.
Меѓу главните причини се издвојуваат „долгиот период на слаба надворешна побарувачка“, растот на извозните цени искажани во странска валута, зголемените трошоци на труд и отежнатите услови за трговија поради трговски спорови.
Во првото полугодие трговскиот суфицит сепак е значително поголем во споредба со истиот период лани, за дури 58,5 отсто и изнесуваше 107,95 милијарди долари, покажува статистичките податоци.
Кинескиот извоз во првите чест месеци порасна за 10,4 отсто, на 1.050 милијарди долари, додека увозот е зголемен за 6,7 отсто и изнесуваше 944,87 милијарди долари.
Можеби ќе ве интересира
Колку дозволи издаде Хрватска за македонски работници?
Кои европски земји имаат најниски нивоа на БДП по глава на жител?
Ристески објасни како од 1 јануари ќе ја пресметуваат просечната потрошувачка кошничка
Цената на среброто скокна над рекордните 65 долари за унца
Фатих Шахбаз е нов главен извршен директор на Халкбанк АД Скопје
„Бауер БГ“ ја реконструира Палата АСНОМ по стара шема, со нови анекс-договори од 700.000 евра засега
КУПЦИТЕ НА СТАНОВИ МОЖЕ ДА ЗДИВНАТ – повластената даночна стапка останува и следните три години
Кончар потпиша договор со позната американска компанија
