ПАЛЕСТИНЕЦ ГО КРИТИКУВАШЕ ХАМАС: Исламски џихад му се одмаздија
Објавено во: Свет 24 Декември, 2023
Oперативци на палестинскиот Исламски џихад (ПИЏ) на Западниот Брег пукаа во палестински службеник за безбедност, откако објавил видео на социјалните мрежи на кое го нарекува Хамас „ирански полномошник“ и ја критикува терористичката група за „уништување на нацијата“.
„Многу луѓе почнуваат како папагали да повторуваат – „Зошто палестинската власт не влегува војната?“. Која е целта? Тие сакаат да ја уништат палестинската управа и да го убијат народот“, вели Мухамед Бајан Абед, член на Службата за превентивна безбедност на палестинската управа.
Додава дека тие луѓе ја уништуваат нацијата од 1994 година. Според него, илјадници луѓе станаа бегалци поради отпорот, а 700 припадници на безбедносните сили беа убиени“.
Како одмазда, оперативците на помала исламистичка терористичка фракција која активно се бори против Израел во Појасот Газа заедно со Хамас, го следеле Абед и го застрелале во ногата, а подоцна споделиле видео од него како се грчи од болка. Хамас на 7 октомври го нападна Израел. Во Газа загинаа над 20.000 Палестинци.