Пет милиони садници ќе се засадат на „Денот на дрвото“ – акцијата е закажана во среда

Добивај вести на Viber

По 12 ти пат во Македонија ќе се одржува акцијата „Денот на дрвото“. Планирана е во среда, а во рамките на акцијаат ќе се засадат околу  5 милиони садници, вредни околу еден милион евра. Акцијата вчера ја најавија скопскиот градоначалник, Коце Трајановски, кој засади дел од 90-тина садници во  „Паркот на 100 дрвја“, меѓу булеварот Митрополит Теодосиј Гологанов и улицата Јуриј Гагарин, за кои беа потрошени 3,7 милиони денари. На повикот се придружи и министерот за здравство Никола Тодоров, кој денот на дрвото го најави од Козле, во Клиниката за белодробни заболувања. Годинава „Денот на дрвото-засади ја својата иднина“ има здравствено мото „Садење за подобро здравје“. Во акцијата „Денот на дрвото“ досега се засадени 56 милиони дрвја. Само низ Скопје се планира да се посадат 72.000 нови  садници. Во рамките на акцијата изминатиот период низ Дојран, Охрид и Струга се садеа палми. Во среда пак ќе се засадуваат брези, чемпреси, јасени, цреши, јавори. Организаторите очекуваат масовна излезност на граѓаните кои несебично ќе се вклучат во пошумување на републикава.