Паметен систем за регулирање на сообраќајот во Скопје – 90 раскрсници под надзор

Добивај вести на Viber

За 2,6 милиони евра, Скопје доби Центар за автоматско управување и контрола на сообраќајот кој иако денеска беше отворен во присуство на високиот државен врв, во целост ќе профункционира во ноември.

Целта е преку центарот да се регулира сообраќајот во Скопје. Притоа ќе се прибираат податоци за сообраќајот во реално време, ќе се управува семафорскиот систем, но и визуелно ќе се набљудува сообраќајот за да им се даде приоритет на возилата од јавниот градски превоз.

Според градоначалникот на Скопје, Коце Трајановски прибирањето податоци од 16 раскрсници каде е инсталирана опремата веќе е почнато.

„Секоја има камера, бројач на возила и сите крстосници меѓусебе се поврзани и поврзани се со Центарот.  Вкупно треба да биде инсталирана опрема на  90 раскрсници и се очекува тоа да се случи до октомври годинава“, изјави Трајановски по отворањето на Центарот кој појасни дека вака ќе се зголеми проточноста на возилата и движењето во Скопје.

На означувањето на официјалниот почеток со работа на Центарот присустуваa и лично премиерот Никола Груевски и министерката за внатрешни работи Гордана Јанкулоска која посочи дека потребата од ваков паметен систем произлезе од се поголемиот број возила на патиштата, поголемата фреквенција и важноста од регулирање на сообраќајот за да се обезбеди побрз проток на возилата и патишата.

Функционирањето на системот, според Јанкулоска, со вбројува градот Скопје меѓу ретките во регионот кои имаат ваков паметен систем за регулирање на сообаќајот.