Добивај вести на Viber
Меѓународниот конзорциум одговорен за проширување на Панамскиот Канал, ќе ја суспендира работата на три недели ако владата не одговори на нивните барања за исплата на обврските.
Конзорциумот GUPC, во кој се наоѓаат компании од Шпанија, Италија, Белгија и Панама, ги обвинува властите одговорни за каналот, дека не ги почитуваат условите и барањата на договорот и поради тоа дале рок од 21 ден да ги исполнат таквите барања.
Од друга страна, претставникот на властите за Панама, Хорхе Кијано, го одби барањето, наведувајќи дека тоа се услови надвор од договорот.
GUPC веќе година дена бара дополнителна исплата од 1,6 милијарди долари, поради доцнењето во изградбата.
Проширувањето на каналот треба да им овозможи минување на бродовите кои превезуваат стока до 12.000 контејнери, што е три пати повеќе од износот на сега дозволената количина.
Работите чинат вкупно 5,2 милијарди долари, од кои 3,2 милијарди за GUPC. Овие работи почнаа во 2009. година и треба да се завршат во октомври 2014 година, но веќе е забележано задоцнување од девет месеци.
Првото одложување беше на самиот почеток, кога властите оценија дека цементот на GUPC е со лош квалитет и не може да ги задоволи потребите на градење на проширувањето.
Панамскиот Канал е ископан во периодот од 1883 до 1914 година. Долг е 82 километри и се протега низ Панамскиот истмус, поврзувајќи ги Атлантскиот и Тихиот океан.
Поради кривиот облик на Панама, Атлантскиот Океан е на северна, а Тихиот Океан на јужната страна од каналот, што е спротивно на вообичаените ориентации на овие океани кон американскиот континент.
По должината на Суецкиот канал, тој е една од најважните поморски артерии на светот. Изграден е точно на 10, октомври 1913 година. Еден од најголемите и најтешките градежни проекти некогаш изведен, имаше огромно влијание врз поморскиот транспорт помеѓу двата океани. Панамскиот Канал, како најкраток морскиот пат меѓу Тихиот и Атлантскиот океан, ископан е на панамскиот истмус во Средна Америка.
A.A.