ПАНИКА ВО ЧЕШКА - Американец ставен во изолација поради сомневање за ЕБОЛА: Бил во контакт со 26 лица

Објавено во: Свет 17 Мај, 2025 20:23
Американски граѓанин е хоспитализиран во болница во Прага, Чешка поради сомнеж дека е заразен со Ебола. Сомнежите дека е носител на оваа опасна заразна болест се поради фактот што престојувал во Конго, а според официјалните лица во Чешка таму тој остварил контакст со најмалку 26 лица за време на престојот во Чешка.
Четириесетгодишниот маж пристигнал во Чешка на 6 мај, откако претходно престојувал во Демократска Република Конго и Руанда. Во петокот вечерта, тој беше транспортиран од болницата во Табор во специјализираниот објект „Булова“ во Прага, каде што беше сместен во специјална биокутија, потврди чешкото Министерство за здравство
- Човекот имал вкупно 26 контакти во Чешка, кои нашите специјалисти успеале да ги идентификуваат. Сите моментално се под надзор и во контакт со епидемиолозите. Никој во Чешка не е во непосредна опасност - изјави Матијас Фошум, директор на Одделот за заштита на јавното здравје, за порталот „novinky.cz“.
Тој е лекуван од лекари во специјални заштитни одела.
Според достапните информации, неколку контакти се здравствени работници и сите се ставени во карантин.
Одлуката за префрлање на пациентот во Прага е донесена врз основа на неговите симптоми и историјата на патувања. Фосум објасни дека човекот останал во Табор кратко време и дека сам дошол во болницата во петокот, по што бил хоспитализиран.
За време на транспортот до Прага, активиран е тим за биолошка закана, а транспортот е извршен под посебни безбедносни мерки.
Од болницата велат дека пациентот е стабилен.
- Тој е сместен во изолација во био-кутија и го лекуваат лекари во специјални заштитни одела кои се деконтаминираат секој пат кога ќе влезат - изјави портпаролката на болницата.
2/3 ..Táborská profesi jednotka podle typové činnosti určene pro tento typ zásahů byla vybavena předepsanymi ochrannými prostředky a společně s biohazard týmem transportovala pacienta z nemocničního pokoje do transportní sanitky. Následně desinfikovala jak převáženého pacienta,.. pic.twitter.com/ox32i6Dgjj
— HZS Jihočeského kraje (@HZS_jihocesky) May 16, 2025
Крвните примероци од пациентот беа испратени во Институтот „Роберт Кох“ во Берлин, а резултатите сè уште се чекаат.
Како се пренесува еболата?
Еболата е ретка, но опасна по живот болест која се пренесува преку контакт со телесни течности на заразени животни или луѓе. Симптомите вклучуваат треска, главоболка, осип, повраќање и крварење.
Еболата е вид на вирусна хеморагична треска, предизвикана од неколку видови на вируси од родот еболавирус. Симптомите на ебола почнуваат како грип, но можат да напредуваат до сериозно повраќање, крварење и невролошки (мозочни и нервни) проблеми.
Еболата може да се прошири на луѓето од лилјаци, нечовечки примати и антилопи. Оттаму може да се шири од човек на човек и да предизвика епидемии. Епидемиите најчесто се јавуваат во делови од Африка.
Фото: Принтскрин/ХМожеби ќе ве интересира
ДУРИ НИ СУПЕРБОМБАТА НА САД НЕ ЌЕ МОЖЕ ДА ГО УНИШТИ ИРАНСКИОТ ФОРДО: Базата е закопана многу длабоко

САД ЌЕ ГО НАПАДНЕ ИРАН? Во тек се дипломатски разговори

„НЕТАНЈАХУ ВОЈУВА ЗАТОА ШТО ИМА 22 КРИВИЧНИ ЗА КОРУПЦИЈА“: Аналитичарот Гајдов со став за ситуацијата помеѓу Израел и Иран

ТРАМП ДО ПУТИН: Реши си го прво твојот проблем, па грижи се за Иран

ТРАМП ВЕЛИ ДЕКА ИРАНЦИТЕ ПОСАКУВАЛЕ СМРТ НА ИЗРАЕЛ И АМЕРИКА: Кажа дали ќе го нападне Иран

НА ИЗРАЕЛ МУ СНЕМУВА РАКЕТИ, МОЖНО Е ВКЛУЧУВАЊЕ НА САД ВО ВОЈНАТА: Аналитичарот Огорец зборува за евентуална ескалација

ПЕТ ТУНЕЛИ ВО ПЛАНИНА, ДЛАБОЧИНА ОД 90 МЕТРИ И ОГРОМНИ БЕЗБЕДНОСНИ МЕРКИ: Ова е таен ирански комплекс за кој речиси никој не може ништо да направи

ТРАМП ДО ИРАН: Ќе бидеме толку жестоки ако им направат нешто на нашите луѓе
