Панорамското тркало поскапе на 15,5 милиони евра, обвинува опозицијата

Добивај вести на Viber

Наместо првично планираните 12 милиони евра, Панорамското тркало во Скопје ќе чини цели 15,5 милиони евра, обвини опозицијата во Советот на Град Скопје. Опозиционерите сметаат дека проектот е прескап и непотребен. „Во континуитет ја оспоруваме воопшто потребата од изградбата на 12 милионско панорамско тркало. Наместо Коце Трајановски да троши цели 15,5 милиони евра за ново тркало во реката Вардар, СДСМ и коалициските партнери предлагаат овие средства од програмата на ЈСП Скопје да се пренаменат за целосна обнова на постечкиот Луна Парк. Со денешниот предлог кој градоначалникот Трајновски го доставува до советниците, вредноста на проектот во Инвестиционата програма на ЈСП Скопје се зголемува на 15,5 милиони евра“, вели советникот од СДСМ Дамјан Манчевски. Советот на Град Скопје на денешната седница ја донесе Одлуката за Изградба на пешачки мост со придружна содржина – панорамско тркало, во коритото на реката Вардар, на кеј Димитар Влахов (потег помеѓу Музеј на Македонската борба и зграда на МЕПСО). Фирмата изведувач бараше над 18 милиони евра за изведба на овој проект. Стартуваат подготовките за изградба на Панорамското тркало во Скопје