Папандреу го моли Обама да ја спаси Грција
Објавено во: Балкан 17 Јануари, 2013
Поранешниот грчки премиер Јоргос Папандреу упати апел до американскиот претседател Барак Обама да ја спаси Грција од економска пропаст и да ја убеди Германија да преземе мерки за запирање на економската криза во Европа.
- За гаранциите да бидат цврсти, потребна е поддршката на најголемата и се уште најдинамичната екоомија во светот. Тука треба да дојде Обама, американскиот претседател може да помогне да се реши европската економска криза со умна економска дипломатија која досега неговата администрација не ја покажа. Обама мора да ја потсети Германија како САД ја помогнаа Германија не само низ Студената војна туку и во бурната деценија по падот на Берлинскиот ѕид и падот на комунизмот. Обама мора да ја убеди Ангела Меркел да направи се што е потребно за Европа да профункционира, и да и ја гарантира помошта на американскиот народ. Тимот на Обама ги повика Европјаните да преземат решителни чекори, од финансирање на инфраструктурата до преземање на долговите на заедничко ниво, за да се врати растот во потонатите европски стопанства. Европските лидери ги одбија овие предлози. Ние не бараме за милостина. Освен крај на неизвесноста, на Грција, која се менува и има голем потенцијал, и се потребни инвестиции, пишува Папандреу во текст објавен во списанието Форин Полиси, за вториот мандат на Обама.
Во овој текст поранешниот грчки премиер вели дека Грција долго време ја следела “европската доктрина на сурово кратење на расходите”, но дека тоа сепак не ги убедило меѓународните финансиски пазари да и веруваат на Грција, поради неизвесноста околу грчкото останување во евро-зоната.
Папандреу повикува на Зелен Маршалов план кој Обама би го претставил при посета на Грција, кој би подразбирал искористување на неодамна откриените резерви на природен гас на дното на Средоземно Море, и енергетско поврзување на Блискиот Исток, Средоземјето и Европа. Папандреу до неодамна беше вонреден професор на престижниот американски универзитет Харвард, каде предаваше за европската криза и кризата на демократијата.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ВУЧИЌ: Бараат да го признаеме Косово, ние не сме заинтересирани
РИКЕР: Потрошивме многу време фокусирајќи се на Балканот
ХОРОР ВО ХРВАТСКА - во семеен двор пронајдени телата на две новороденчиња
ВУЧИЌ ЗА ПРОТЕСТИТЕ ВО НОВИ САД: Во Србија нема да има македонско сценарио
ПОВРЕДА НА ДЕСНОТО ОКО СО ГУБЕЊЕ НА ВИДОТ И ИЗГОРЕНИЦИ ПО ЛИЦЕТО - 14-годишно момче од Загреб со тешки повреди од петарда
ВУЛИН: Само српскиот свет е бариера за „Голема Албанија“
(ВИДЕО) ОШТЕТЕНИ ЗГРАДИ, УРНАТИ МОСТОВИ: Се судрија и два брода во Грција
МАЖ ПАДНАЛ ВО ПРОВАЛИЈА: Уште една жртва на невремето во Грција
БОСАНСКИОТ БУРЕК СЕГА СЕ ПРОДАВА ВО НАЈГОЛЕМИОТ СИНЏИР НА МАРКЕТИ ВО СВЕТОТ: „Ти благодариме Един за партнерството“
