Јавно ќе ги запалат сметките за парно греење!

Добивај вести на Viber

Новоформираното граѓанското движење во Карловац „Несакам греење од Топланата" објави дека јавно ќе ги запали декемвриските сметките за греење пред зградата на Градската Топлана, а како израз на револт бидејќи добиле сметки иако имаат побарано исклучување од системот за греење и ги имаат исклучено своите радијатори. Во петок продолжува и собирањето потписи за Петицијата со која сопствениците на станови кои сакаат да  се исклучат од централното греење, бараат повеќе да не се бара согласност од сите соседи во зградата. Веќе се потпишале околу илјада граѓани, известуваат од граѓанското движење. „Услугите на градската Топлана  ние не ги сакаме затоа што не сме во состојба да ги платиме  своите астрономски сметки“, се вели во соопштението, каде се додава и дека според прописите за исклучување од системот за греење е потребна согласност на сите станари на зградата, додека за другите услуги, како што се исклучување на телефонот или откажување на снабдувањето со електрична енергија, не треба да се сложат соседите. За да ги илустрираат тешкотиите со кои се соочуваат граѓаните, беше објавено и писмото на еден од сопствениците на стан „кој нема доволно пари да плати 1300 куни месечно“ , па се обидел да собере потписи од соседите за да се исклучи од системот. Сепак, пишува тој во писмото, ова не е лесно,бидејќи многу сопственици не живеат во нив, ниту во земјата, за еден од становите се чека оставинска постапка,  а проблеми со сопственоста има и во неколку други станови во зградата. Државниот Инспекторт минатата недела објави дека против карловачката градска Топлана и старата Топлана која е во стечај, поднесено е барање за тужба пред судот во Карловац и тоа поради  пренос на податоците на корисниците без нивна согласност, поради доставување сметки без склучен нов договор и без претходно објавени услови за испорака на топлинската енергија. Сепак, осврнувајќи се на проблемот на потрошувачите кои се исклучиле од системот за греење, а сепак им стигнуваат сметки, од Државниот инспекторат велат дека според законот, за да се исклучат прво мора да добијат согласност од сите станари во зградата.