Партијата на Љубе Бошкоски поддржува формирање реформска влада од парламентарното мнозинство
Објавено во: Македонија 27 Март, 2017
Претседателството на Обединети за Македонија (ОМ) поддржува формирање реформска влада од парламентарното мнозинство кое е сочинето од 67 пратеници под водство на СДСМ и лидерот, Зоран Заев.
Од партијата сметаат дека Македонија мора и може да излезе од криза со конституирање на парламентот, прифаќање на волјата на најголем број граѓани на Република Македонија, изразена преку мандати, формирање реформска влада од мандаторот кој обезбеди 67 мандати.
„Обединети за Македонија ќе ги прифатат сите решенија кои се во рамки на највисокиот правен акт, Уставот на Република Македонија, овозможувајќи непречено одвивање дебати кои ќе отворат пат на Република Македонија кон Европската Унија и НАТО“ - велат од ОМ.
Обединети за Македонија како партија, чиј лидер е Љубе Бошкоски, со јасна вмровска идеологија ги повикуваат своите браќа и сестри вмровци на разбирање на сериозноста на ситуацијата, да дадат поддршка на демократските процеси.