Пазарите не го оценија правилно резултатот од референдумот, тврди Лагард
Објавено во: Економија, Свет 27 Јуни, 2016
Светските финансиски пазари ги потценија последиците од британскиот референдум, но немаше паника во економијата, изјави директорот на Меѓународниот монетарен фонд, Кристин Лагард во говор на форум организиран од Институтот Аспен.
„Пазарите не го оценија правилно резултатот од референдумот. На пазарите немаше паника, централните банки ја завршија работата. Сите организации дадоа јавни изјави и ситуацијата беше под контрола. Не видовме дека има паника“- вели Лагард.
По референдумот на Британија за напуштање на ЕУ, се појавија разни ставови за тоа дали Брегзит ќе има негативни импликации или не.