Пазарот на недвижности во Бразил – колку е интересен за странците?

Добивај вести на Viber

Сите погледи може и да се вперени во Светското првенство во фудбал, што се одржува во Бразил, но пазарот на недвижности во земјата, исто така е интересен за странците кои се заинтересирани за инвестирање во Realtor, пишува онлајн изданието propertywire.com. Според консултантската компанија Savills пазарот на имот во Бразил не изгледа дека е " загреана " во споредба со пазарите на други брзо растечки економии. Податоците на компанијата покажуваат дека профитабилноста на бизнис недвижностите во земјата во моментов е околу 8,5%, а од куќите - 5,1%. Од консултантската компанија сметаат дека спортските настани во Бразил - сегашното Светско фудбалско и претстојната Олимпијада по 2 години, ќе ја зголемат меѓународната препознатливост на земјата како инвестициска дестинација. Како своевиден центар на пазарот на имот во Бразил се појави Рио де Жанеиро. Во 2010 година беше забележан раст на цените од 40 отсто на годишна основа. Оттогаш сепак темпото на раст се забави,иако минатата година зголемувањето достигна 15%, регистрира консултантската компанија. Додека Сао Паоло се појави како финансиското "срце" на Бразил, во Рио се базираат големите меѓународни нафтени и гасни компании и други значајни организации. Тоа ги турка нагоре и цените на канцелариите. Не недостасуваат сепак знаци дека пазарот на недвижности во земјата почнува да се забавува. Според податоците на Global Property Guide цените на куќите во првиот квартал во Сао Паоло на пример, се зголемиле за 6,7%, што е нај бавното темпо на раст во последните 6 години. За тромесечието е забележан минимален пад од 0,12%. Уште околу две третини од купувачите на имот во Бразил се Бразилци. Сепак се зголемува и бројот на странците кои влегуваат на пазарот. Повеќето странски купувачи се од Северна и Јужна Америка, како и од Франција, Италија, Германија, Шпанија, Велика Британија и други земји. К.К.