Пендаровски за „То Вима“ ги истакна бенефитите од Договорот од Преспа, но и што очекува од Бугарија
Објавено во: Македонија 03 Октомври, 2021
Решението на бугарските приговори треба да биде во согласност со Договорот за пријателство, истакна претседателот Стево Пендаровски во интервју за грчкиот весник „То Вима“.
Вели дека ситуацијата со бугарското вето, нѐ спречува да започнеме пристапни преговори, иако земјата веќе ги има исполнето сите предуслови.
„Се надеваме дека по бугарските избори ќе ги продолжиме разговорите со новоизбраниот претседател и со политичка влада со целосна власт што ќе има мнозинство во парламентот', изјави Пендаровски.
Пендаровски за Преспанскиот договор кажа дека претставувал пресвртница за подобрување на економската соработка, преземање иницијативи во повеќе области како што се безбедноста, одбраната, образованието, науката и културата. Вели дека во следните години ќе се видат ефектите од овој договор,
За Бугарија, кажа дека ќе бидат конструктивни во разговорите.