ПЕПКО СЕ ЗАТВАРА? Во оваа земја познатата продавница ги брои загубите, дали тоа ќе влијае на работењето на Балканот?

Добивај вести на Viber

Пепко Германија моментално управува со 64 продавници низ Германија, со фокус на источниот дел од земјата. По влегувањето на пазарот во 2022 година, германската мрежа се соочи со предизвици и нееднаков развој и моментално работи со вкупна загуба.

- Целта на започнатата постапка е да се реорганизира бизнисот на Пепко Германија со цел подобро да се прилагоди на германскиот пазар и да се позиционира за долгорочен успех. Постапката ќе ја води самата компанија, и важно е да се нагласи дека сите продавници ќе останат отворени до понатамошно известување и ќе продолжат да примаат нови колекции - соопшти Пепко.

Групацијата Пепко, како акционер, изјави дека е подготвена да го поддржи процесот на реструктуирање и да обезбеди финансирање за време на постапката.

Според соговорникот на гореспоменатиот портал, постојното раководство ќе биде поддржано од Кристијан Штефлер од адвокатската канцеларија во Минхен „Gerloff Liebler Rechtsanwälte“, кој е назначен за генерален директор за реорганизацијата. Штефлер има долгогодишно искуство, особено во модната и малопродажната индустрија.

Судот го назначи и адвокатот д-р Гордон Гајзер, партнер во берлинската канцеларија „GT GreenbergTraurig LLP“, за привремен стечаен управник во постапката, кој ќе го следи почитувањето на законската рамка.

- Во текот на изминатите 20 години, групацијата Пепко докажа дека нејзиниот малопродажен концепт и асортиман на производи се успешни низ цела Европа. Затоа, гледаме добри можности за реорганизација на мрежата на продавници во Германија за да може да успее, и покрај предизвиците на германскиот малопродажен пазар. Овој процес на реорганизација, кој го води самата компанија, ни дава можност брзо да ги спроведеме потребните мерки - заклучува Кристијан Штефлер.

Компанијата нагласува дека ситуацијата во Германија нема влијание врз Србија,од каде македонските граѓани редовно пазарат.