Добивај вести на Viber
Рударската несреќа во Распоточје, Босна и Херцеговина предизвикана од земјотрес, нема да има среќен крај. Пет рудари го загубија животот во окното каде што беа заробени од одрон вчера попладне, објавија босанските медиуми.
Останатите 29 рудари се извлечени и веќе медицински згрижени. Информацијата дека пет рудари не ја преживеале несреќата ја потврди претседателот на Синдикатот на рударите во Федерацијата Босна и Херцеговина Синан Хусиќ.
„За жал, знаев за ова и претходно, но немав сила да ви кажам. Излегоа 29, а овие пет за жал не преживеаја“, им изјавил тој на медиумите. Се уште се чека официјална потврда на информацијата од управата на рудникот.
Одронот во рудникот Распоточје го предизвика земјотрес со интензитет од 3,5 степени по Рихтер, кој вчера попладне го погоди регионот на Зеница.