Петков и Мицкоски разговарале за инвестиции во образованието, науката, Коридорот 8
Објавено во: Македонија 18 Јануари, 2022
Бугарскиот премиер Кирил Петков денеска се сретна и со лидерот на ВМРО-ДПМНЕ Христијан Мицкоски.
Мицкоски се задржа на истите позиции кои се и претходно јавно познати, информира партијата.
На средбата се разговарало за актуелните состојби поврзани со односите на двете земји.„Она што беше посочено е потребата за градење доверба, отворени односи и поврзување на теми и области каде е можна меѓусебна соработка и заеднички бенефит за граѓаните од двете држави. Беше посочена потребата за соработка на темите кои ќе обезбедат иднина, инвестиции во образованието, науката, Коридорот 8 и други проекти важни за двете земји“, велат од ВМРО-ДПМНЕ.
Мицкоски на средбата посочил дека наместо блокади, потребни се мостови, отворени односи и заемно почитување.