Петрески против проектот Сахарјан Македонија, ќе ја оспори инвестицијата на Субрата Рој во Охрид

Добивај вести на Viber

Кандидатот за градоначалник на Охрид од коалицијата „Сојуз за иднината“ Александар Петрески денеска одржа прес-конференција во манастирскиот комплекс Свети Наум, притоа оспорувајќи го проектот „Сахарјан Македонија“ на индискиот бизнисмен Субрата Рој.

Петрески потсети дека локацијата што Владата има намера преку формирање Туристичка развојна зона да ја продаде за изградбата на туристичкиот комплекс е самиот центар на областа Кутмичевица, свето место мошне важно за македонската историја, место од каде се ширела писменоста.

Тој притоа нагласи дека ќе се почитува одлуката на Синодот на МПЦ, а и со сите средства со кои располага ќе се бори против легислативата што ја носи актуелната власт, што овозможува како што рече „некој белосветски измамник“ да го уништува тоа свето место.

„Не сме против инвестиции, меѓутоа најважно е да се зачува ова место, се разбира и Охирдското Езеро, водејќи сметка за еколошкиот аспект. Доколку некој сака да инвестира во Охрид, има и други подрачја што не се толку значајни и чија заштита не мора да е толку строга, нека се инвестира на потегот меѓу Андон Дуков кон Подмоље“, рече Петрески притоа порачувајќи им на жителите од селата кои гравитирааат на тој потег, од  Љубаништа, Трпејца се до Пештани, дека нема да дозволи нова национализација на нивните имоти и одземање на нивната дедовина