Петте компании што секогаш имаа план „Б“!

Добивај вести на Viber

Во време во кое економијата на една земја се наоѓа во тешка ситуација, компаниите треба да ја искористат можноста за агресивен раст, изјави во рамките на конференцијата Grow Now професорот по менаџмент од London Business School Џон Малинс. Според него повеќето средни до големи компании се развиваат многу побавно отколку што нивните создавачи би сакале . Причините за ова се многу , вклучувајќи и тоа дека самата Европа не се развива со саканото темпо. Основниот проблем сепак експертот го гледа во недостатокот на доволно добар бизнис модел. Малинс смета дека е исклучително важно за компаниите не само да мислат на основниот план за развој. Тој ги повикува сите менаџери секогаш да имаат на ум она што би правеле ако им е потребен план Б , бидејќи често токму тоа се покажува како клучот за успехот. "План А ретко ќе ве однесе таму каде што сакате. Затоа обрнете внимание на план Б ", рече тој. Според Малинс најважно за една компанија која е сеуште мала, но сака да расте, е да направи неколку важни чекори. Првата е да побара примери за компании, кои поминале по патот што таа сака да оди и да се учи од нив. Втората е да открие чии чекори не смее да ги повтори. Менаџментот исто така треба да верува во добрата иднина на компанијата и секогаш да е подготвен да реагира доволно флексибилно и адекватно на факторите на надворешната и внатрешната средина. Малинс откри како пет компании успеале да го постигнат сето ова. Нивниот успех лежи во тоа дека нивната сила е концентрирана само во еден од елементите на бизнис моделот. Еве ги самите фирми, од чие искуство можете да дознаете многу за промените во бизнис моделот и тоа колку се важна се тие за растот на компаниите. 1.Аpple Apple е компанија, која на почетокот оперира на пазарот на компјутери. Иако на корисниците им се допаѓаат нејзините производи, тоа не се покажа доволно за компанијата да ги постигне саканите од неа резултати. Доаѓа момент во кој фирмата сфаќа дека има потреба од вистинска промена. Способноста на Стив Џобс да гледа можности дури и во најсложените ситуации се покажува клучна за успехот на Apple. 2.Zynga Zynga е американска компанија која стекна популарност благодарение на игри како Mafia Wars и Farmville , кои направија вистински бум на Facebook. Она на што се потпира компанијата , е едноставен , но и  брзо извршување на бизнис модел. Farmville е гејмерски онлајн платформа , во која корисникот има можност да создаде сопствена виртуелна фарма . Иако голем дел од ресурсите во неа се бесплатни , играта се потпира на тоа да заработува токму од оние кои ги нуди како платени. Така еден виртуелен трактор со симболична цена од околу два долари носи нови и нови приходи на сметката на Zynga . Од своја страна , компанијата вложува значително помалку , а напорите се ништожни .  3.Ryanair Денес Ryаnair е најголемата нискотарифна авиокомпанија во Европа . Таа започна како мала фирма и долги години не успева да се справи со огромната конкуренција во секторот . Додека не доаѓа моментот , во кој таа не одлучи дека е време да промени нешто . Превозникот се обложува на нејзината најголема предност , имено дека прави кратки летови , благодарение на што може да ги скрати значително трошоците. Менаџментот зема и генерални решенија како тоа да престане да се служи храна во авионите. Успехот на Ryаnair во голема мера се должи на тоа дека не лета до главните аеродроми во големите градови, каде таксите за слетување се исклучително високи. Наместо тоа, таа избира помали  на далечните аеродроми , од кои патниците потоа се транспортираат со автобуси до големите градови . Така нејзините трошоци се значително помали . 4.Costco Costco е американскi синџир продавници од типот магацини за трговија на мало. Она што го издвојува од обичните големи синџири , е таксата за влез, која треба да се плати за да пaзарува во неа - 55 долари. Иако може да звучи како нешто што би ги оттргнало купувачите , формулата се покажа исклучително успешна , тврди Малинс . Силата на Costco е во тоа што нуди стоки во големи пакувања по исклучително ниски цени . Иако има влезници, потрошената сума во продавницата се покажува пониска од онаа која корисникот би ја дал во друга продавница. Според зборовите на Малинс две третини од оперативната добивка на Costco се должи токму на овие 55 долари кои човек ги плаќа , за да влезе да пазарува . 5.Skype Кога зборуваме за Skype , треба да се истакне дека овде станува збор не за промена во бизнис моделот на компанијата , туку за изборот на соодветен инвестиционен модел од самиот почеток. Кога Skype се раѓа , таа гледа главен конкурент во фирмата Vonage , чија цел е иста како нејзината - да обезбедува можности за комуникација преку новите технологии. Стратегијата на Vonage сепак е поврзана со изградбата на инфраструктура , за која се потребни големи капитали. Менаџерите на Skype постапуваат доста попрактично. Тие не инвестираат во инфраструктура , бидејќи одлучуваат дека можат да го користат тоа што корисниците го имаат , имено персонални компјутери. Додека Vonage инвестира милиони во маркетинг кампања , Skype не троши ни долар за вакво нешто . Наместо тоа, таа удобно ги сместува своите производи во персонален компјутер на секој и на крајот го превзема дигиталниот свет. К.К.