Пјер Московиси: На еврозоната потребни и се сопствен буџет и министер за финансии
Објавено во: Економија 07 Јули, 2013 20:15
За подобра координација на економската политика на државите од монетарната унија е неопходно да се формира одделна функција – министер за финансии на еврозоната. Тоа го изјави денеска на економска конференција францускиот министер за финансии Пјер Московиси.
Тој нагласи дека „еврозоната треба да стане поотворена, за да не гледаме како 17-те министри се собираат на седници ноќе“.
Московиси потсети дека во 2014 година ќе биде обновен составот на Европската комисија и според него таа можност треба да се искористи за спроведување реформи во раководните органи на Европската унија.
- Прашањето се состои во тоа дали тој министер треба да биде претседател на еврогрупата или треба да биде исто така европски комесар за економски прашања, наведе тој и рече дека ја претпочита втората варијанта. Според него, тоа би би создало „моќна синергија“.
Францускиот министер нагласи дека еврозоната треба да се здобие со сопствен буџет. Во говорот тој истакна дека би поддржал посебна комисија или комитет во ЕП кој ќе се занимава само со проблемите на еврозоната.
Можеби ќе ве интересира
Колку дозволи издаде Хрватска за македонски работници?
Кои европски земји имаат најниски нивоа на БДП по глава на жител?
Ристески објасни како од 1 јануари ќе ја пресметуваат просечната потрошувачка кошничка
Цената на среброто скокна над рекордните 65 долари за унца
Фатих Шахбаз е нов главен извршен директор на Халкбанк АД Скопје
„Бауер БГ“ ја реконструира Палата АСНОМ по стара шема, со нови анекс-договори од 700.000 евра засега
КУПЦИТЕ НА СТАНОВИ МОЖЕ ДА ЗДИВНАТ – повластената даночна стапка останува и следните три години
Кончар потпиша договор со позната американска компанија
