ПЛАЌААТ 50 ПАТИ ПОСКАПО ЗА КОНЗЕРВА ГРАВ: Палестинците во Газа убиваат магариња бидејќи немаат храна
Објавено во: Свет 14 Декември, 2023
Помошта не стигнува до гладните во Газа. Луѓето молат за леб и јадат магарешко месо.
Луѓето велат дека молат за леб, плаќаат 50 пати повеќе од вообичаено за една конзерва грав и убиваат магариња за да ги прехранат своите семејства, бидејќи камионите со храна не можат да стигнат до повеќето делови од палестинската територија, која Израел ја бомбардира, објави Ројтерс.
Канцеларијата на Обединетите нации за координација на хуманитарни прашања (OCHA) денеска објави дека ограничената дистрибуција на помош се одвива во областа Рафа, во близина на границата со Египет, каде што се проценува дека има речиси половина од 2,3 милиони жители.
Во останатиот дел од Појасот Газа, дистрибуцијата на помош беше прекината, поради интензитетот на непријателствата и ограничувањата на движењето по главните патишта.
Хамас на 7 октомври почна со напади на Израел. Израелските власти тврдат дека за неколку месеци ќе ја уништат палестинската терористичка група.