По 5 години стагнација, оптимизмот ги напушти британските бизнисмени

Добивај вести на Viber

Бизнис довербата во Велика Британија во јануари го достигна најниско ниво последниве 21 година, соопшти Бибиси. Според податоците од анализата на сметководствената компанија „BDO“, економијата ќе има проблеми да забележа раст во првиот квартал и покрај плановите на компаниите да вработуваат персонал. Сепак авторите на студијата се оптимисти за економската состојба во земјата во текот на следните 6 месеци. Во јануари Индексот за бизнис оптимизам на “„BDO“ се намали до 88,9 поени, значително под потребните 95 поени, за да се забележи раст. Тоа е најниското ниво на индексот од неговото воведување во 1992 година. Компаниите почнуваат да свикнуваат на недостатокот на одржлив раст на Островот, посочи Питер Хемингтон, директор на компанијата. „Се чини дека негативните ефекти врз бизнисот од тековната, веќе петта година стагнација, ги одбиваат компаниите од конкретните планови за експанзија", коментира тој. „За да се стави крај на овој маѓепсан циклус, Владата мора да спроведе програма за поддршка на растот“, препорачува Хемингтон.