По Љубаниште, Индиецот се намерачи и на Преспа…од сентиментални причини

Добивај вести на Viber

Субрата Рој е заинтересиран за изградба на хотелски центар во преспанскиот регион, пишува денешен Дневник, повикувајќи се на изјава на директорот на Дирекцијата за технолошко-индустриски развојни зони, Виктор Мизо. „Кога Субрата Рој прв пат беше во Македонија, разгледуваше повеќе места на кои би инвестирал. Негов прв избор беше Охридското езеро, а за во втората фаза беше најавена инвестиција и на Преспанското езеро“, вели Мизо. Според Мизо,  индискиот милијардер ја донел својата одлука за инвестирање во Македонија, од сентиментални причини. „Не се водел само од строга бизнис логика. Субрата постојано изјавува дека е воодушевен од Мајка Тереза, од природните убавини и топлиот прием од нашите институции“, изјавува Мизо. Субрата Рој, пред неколку дена најави изградба на голем хотелски комплекс на Охридското езеро, на површина од 240 хектари, а локацијата иако официјално не е потврдена, сосема е извесно дека се работи за автокампот Љубаниште.