По Панорaмското тркало – ЈСП става рака и на Милениумскиот крст

Добивај вести на Viber

По Панорамското тркало, Градот Скопје на Јавното претпријатие за сообраќај ЈСП Скопје, му го предаде и Милениумскиот крст Водно. Според Предлог одлуката за давање на недвижни ствари поднесена од градоначалникот на Град Скопје, Коце Трајановски, без надомест на ЈСП Скопје трајно му се дава објектот “Милениумски крст“, но неколку катастерски парцели околу објектот, сопственост на Град Скопје. Предлог одлуката ќе се најде пред советниците следната среда. Извори за Фактор коментират дека било очекувано Милениумскиот крст да му се предаде на ЈСП Скопје со оглед на тоа што претпријатието е веќе оператор со жичницата. Милениумскиот крст беше во сопственост на Македонската Православна црква и Фондацијата Милениумски крст. Уште пред неколку години беше најавено урбанизирање на просторот со изградба на ресторани, но досега поради комунални проблеми немаше реализација. Упатените коментираат дека сега за овие активности ќе биде задолжено градското претпријатие ЈСП Скопје. Засега не е познато што точно ќе се дозиградува на Милениумскиот крст Водно. На почетокот на минатиот месец со одлуката на градските власти, обврската за изградба и стопанисување на Панорамското тркало му се додели токму на ЈСП Скопје. Претпријатието за овој проект ќе потроши 12 милиони евра, пари што од раководството изјавија дека ќе се обезбедат од соспствени средства и од донации. Вкупната сума за инвестирање ќе се двои во четери буџетски години, од 2014 до 2018 година. Тркалото ќе биде сместено помеѓу Kамениот и мостот Гоце Делчев. Според планот изградбата треба да почне во текот на следната година, а објектот ќе биде завршен за пет години. Панорамското тркало ќе се гради на нов пешачки мост кој е во склоп на проектот. Ќе биде високо 73 метри, мерено од брегот на реката, а ќе има дијаметар од 57 метри. Според идејното решение тркалото ќе има 30 барокни кондоли, а максималниот капацитет на патници ќе биде 300 луѓе, односнос 240 возрасни и 60 деца. Извори за Фактор коментираат дека е нејасно како ова претпријатие кое и лани годината ја заврши со загуба, ќе може да одговори на ваквите обврски и како тоа ќе влијае врз финансиската состојба на претпријатието. Градот со субвенции ќе го помага ЈСП Скопје Градските власти и следната година ќе го субвенционираат ЈСП Скопје. Градот Скопје ќе му даде на користење 770.000 литри гориво Еуродизел БС следната година, за потребите за оперативно довршување на проектот Милениумски Крст Водно. Горивото е од државните резерви, односно од делот кој Владата му ги има отстапено на Градот Скопје. Субвенции за бесплатен превоз Околу 813.000 евра субвенции ЈСП Скопје следната година ќе добие од Градот, за покривање на трошоците на работењето, во делот на бесплатен превоз на пензионерите.

„Предвидените субвенции за бесплатен превоз на возрасни лица – пензионери би допринеле претпријатието финансиски да се консолидира, а се со цел да ја подобри ликвидноста и да бележи минимални загуби од работењето.Во изминативе три години Советот на Град Скопје имаше разбирање за финансиските потреби на јавното претпријатие по основ претходно наведеното, па во оваа насока, во усвоените Буџети на Град Скопје беа предвидувани средства за субвенционирање на јавниот градски превоз на патници за бесплатен превоз на пензионери“, стои во образложението од Градот. Субвенции за потешкотии во работењето

За покривање на трошоците за потешкотии во работењето, ЈСП Скопје следната година ќе добие субвенции во висина од над 1,6 милиони евра.

„Предвидени субвенции на претпријатието ќе му овозможат да го одржи и подобри квалитетот на јавниот превоз во главниот град. Субвенционирањето на јавниот превоз, а особно на јавните сообраќајни претпријатија кои ги опслужуваат урбаните средини, е пракса која постои во речиси сите градови во Европа. Ваквата пракса овозможува во услови на високи цени на енергенсите, сообраќајните претпријатија да го задржат нивото и квалитетот на услугите. Градот Скопје, во изминатите 5 години од буџетот на градот одвојува определена сума на средства со која Јавното сообраќајно претпријате ги надминува потешкотиите во работењето“, стои во образложението на Градот. Субвенции за реконструкција на постојки

Нешто повеќе од 325.000 евра претпријатието ќе добие за покривање на трошоците за реконструкција на автобуските постојки.

„ЈСП „Скопје“ беше овластено да започне постапка за распишување на јавен повик за заинтересирани субјекти за финансирање на обнова и користење на делови од урбаната опрема на стојалиштата и терминалите за комерцијална намена, од причина што самото претпријатие не располага со доволно финансиски средства за покривање на сите предвидени активности.На овој начин, ЈСП „Скопје“ ќе може без вложување на сопствени финансиски средства да ги обнови и типизира автобуските стојалишта и опремата, како и да постави електронски информациони дисплеи, со што за граѓаните ќе се создадат подобри услови во користењето на превозните услуги, а истовремено ќе се создадат технички услови за имплементирање на втората фаза од воведувањето на автоматското следење на возилата во Јавниот градски превоз“, образложуваат од Градот. Субвенции за информатичка технологија

Околу 975 илјади евра субвенции Градот ќе му додели на ЈСП Скопје за имплементација на AVL системот, односно за развој и унапредување на веќе постоечката информатичка технологија во јавниот градски и приградски превоз на патници.

„Несомнено е дека овие можности ќе придонесат за постигнување повисоки стандарди во делот на интегрираниот систем на наплата и следење и контрола во јавниот превоз на патници, односно подигањето на квалитетот на превозните услуги, во делот на наплатата, како и за економски и социјални бенефити: побрз проток на патниците во возилата, помало време на задржување на возилата на автобуските стојалишта, помала потрошувачка на гориво за работа на возилата во место, поголема контрола и поефикасно водење на јавниот превоз, подобра, навремена и прецизна информација на патниците за локацијата на возилата и возниот ред, динамиката и времето на пристигнување на автобусите на стојалиштата“, велат од Градот.

За овие Предлог одлуки за субвенции за ова градско претпријатие, советниците ќе распрваат на закажаната седница што ќе се одржи следната среда. Но и покрај субвенциите од Градот Скопје, ЈСП Скопје секоја година бележи загуби. Во 2011 година претпријатието годинаната ја заврши со загуба од 800 илјади евра, која лани се намали на 81.300 евра. Ј.С