По завршување на пандемијата Македонија ја чека одлив на медицински сестри
Објавено во: Економија, Корона Вирус 22 Октомври, 2020 07:22
Откако пандемијата на коронавирусот ќе заврши, Македонија ја чека одлив на медицински сестри.
Тие би заминале во регионот, но и во Европа, онаму каде ваквиот кадар е дефицитарен. Германија, Швајцарија, Шведска се земја каде и досега заминуваа медицинските сестри од нашата земја. Дел од нив веќе се снашле во клиниките низ Европа и сега имаат простор да помогнат за ангажирање на нивни роднини или колешки.
Од Унијата на медицински сестри велат дека по завршување на пандемијата Македонија ќе ја напуштат младите и стручни кадри.
„Имаше некои заминувања и сега за Германија, но тоа беа спорадични, на прсти да се избројат“, рече Гордана Бешлиовска, претседател на Унијата на медицински сестри.
Бараат оние медицински сестри кои се со договор на дело да добијат трајно вработување, и да помагаат во ковид центрите, но за тоа да бидат соодветно стимулирани со вонреден коефициент затоа што сега работат во вонредни услови. Оттаму наведуваат дека оние сестри кои беа заразени со вирусот, за нив треба да има мерки за рехабилитација.
„Работа ни е, професија ни е, и ќе работиме, ќе дадеме сѐ од себе, но заслужуваме добри услови за работа и да бидеме стимулирани. Оние кои работат во ковид центрите, тие се директно во огнот, и треба да добијат вонреден коефициент на личниот доход. На оние кои беа во контакт со вирусот, кои беа заразени, зошто да не им се овозможи рехаблитација, зошто да не им се понуди воздушна бања, го имаме Берово. Има медицински сестри кои даваат откази, и не одат никаде, не преминуваат во приватното здравство, туку си одат затоа што се изморени и незадоволни. Тоа е уште пострашно и тоа треба да нѐ загрижува. Медицинските сестри треба да имаат чувство дека некој се грижи за нив“, вели Бешлиовска.
Таа наведува дека многу медицински сестри остануваат без работа од концесионерските амбуланти откако лекарот ќе затвори или ќе отиде во пензија. Објаснува дека околу 40 медицински сестри ширум државата на овој начин останале без работа, а се со долги години работно искуство зад себе. Вели дека овој кадар треба по брза постапка да се ангажира во јавното здравство.
Бешлиовска вели дека проблемите на фелата не се решаваат со моментални и еднократни, туку со мерки кои на долг рок ќе дадат ефект.
Таа додава дека во последниот период 20 до 30 сестри од јавното заминале во приватното здравство.
Во Македонија има околу 7.500 медицински сестри, а Бешлиовска вели дека би требало таа бројка да биде 15.000 според бројот на населението, што значи дека во старт имаме дефицит.
Во годините кои доаѓаат и глобално медицинските сестри ќе бидат дефицитарни, за што алармираше и СЗО.
Сања Атанасовска* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Мицкоски: Економијата мора да излезе од замката на ниски плати
Миќовиќ за НИС и рафинеријата: Одлична можност фабриката во Панчево да се врати во српски раце
Милијардерите наследуваат рекордно ниво на богатство
Страв од вештачка интелигенција: Младите луѓе се префрлаат во квалификувани занаети
Кој е 10 пати побогат по изборната победа на Трамп: Се работи за еден од наследниците, а еве од што се збогатува
Директорот на НИС им се обрати на вработените: Еве што се случува со продажбата на компанијата
Еден од клучните генератори на побарувачката за биткоин оваа година моментално е во големи проблеми
ДО КОГА МОЖЕ ДА ИЗДРЖИ СРБИЈА? Вучиќ за ситуацијата со НИС: Сигурен сум дека Русите ќе се договорат
Планот на Нетфликс да го купи Ворнер Брос. ја фрла театарската индустрија во превирања
