По земјотрес и цунами, не можат да спијат на мира поради ерупција на вулкан
Објавено во: Свет 03 Октомври, 2018
По земјотрес и цунами, на жителите на Индонезија им се заканува ерупција од вулкан.
Вулканот во Сулавези еруптирал утринава и исфрла пепел до висина од 6.000 метри висина.
Вулканот се наоѓа во северниот дел на островот, околу 600 километри североисточно од Палу, но нема извештаи за иможните жртви или материјална штета.
Вулканолозите сметаат дека ерупцијата најверојатно е предизвикана од земјотрес што го погоди овој остров во петокот, но директната врска допрва треба да се докаже со оглед на зголемената активност на Сопутан.
Повеќе од 65.000 куќи беа уништени во земјотресот, а повеќе од 60.000 луѓе имаат потреба од помош.
Се стравува дека бројот на загинат во цунамито е поголем од 1.200 лица, бројка која досега е позната.