Победата ја има, но се чини недоволна! Успеа ли политичкиот лупинг на Борисов?

Добивај вести на Viber

Мала разлика на изборите во Бугарија. Борисов е сепак победник, но дали тоа ќе биде доволно да се формира Влада допрва ќе се види. Партијата на Борисов ќе има 12 пратенички мандати повеќе од коалицијата за Бугарија на социјалистите. Со тесна победа од околу 3 до 4 проценти, партијата на поранешниот премиер Бојко Борисов, победи на предвремените  парламентарни избори во Бугарија, јавуваат агенциите. Партијата на Борисов, „Герб“ освои нешто над 30 отсто од гласовите што ќе и донесе  околу 97 пратенички мандати од вкупно 240 члениот парламент, јавуваат бугарските  агенции. „Коалицијата за Бугарија“, во која доминираат социјалистите е на второ место со најмногу  85 пратеника, додека ДПС освоила околу 11 отсто од гласовите. Според „БТА“ на трето место е турската партија „Право и слобода“, а на четврто место е националистичката „Атака“. Според агенцијата „Галуп“ пак шансите за влез на другите партии во Парламентот се многу мали. Агенциите јавуваат и за излезност од околу 48 проценти, што се смета за рекордно ниска излезност.  На предвремните парламентарни избори во Бугарија право на глас имаа речси 7 милиони граѓани. Борисов релативно стабилно владееше се до скоро, и покрај рецисијата во која се најде Бугарија, поради светската економска криза. Поради покачените сметки за струја во Бугарија почнаа мали протести, но тие брзо прераснаа  во големи митинзи од кои се бараше оставка на Борисов. Бојко реши да ги послуша барањата и да се повлече на 4 месеци пред истекот на неговиот мандат, со надеж за нова победа. Ја има, но дали ќе биде доволна ќе покажат наредните денови.  Борисов важи за еден од најконтроверзните политичари на балканот, за што Фактор веќе пишуваше во статијата Досие Бојко Борисов.