Победникот Алексис Ципрас ќе се заколне вечерва, а утре – и новата влада на Грција

Добивај вести на Viber

Доминантниот на грчката политичка сцена Алексис Ципрас освои чиста победа и состави влада со партијата „Независни Грци“, пишува весникот „Етнос“.

Уште вечерва новиот премиер ќе положи заклетва, а утре ќе се заколне и ќе ја формира новата влада.

Левата партија „СИРИЗА“ на одржаните во неделата вонредни парламентарни избори освои предност од 7,5 отсто од гласовите пред „Нова демократија“.

Резултатите од преброените 99,4% од гласовите во Грција покажуваат дека „СИРИЗА“ добила 35,47 отсто од гласовите и 145 пратенички места. Победникот во грчките избори добива закон бонус од 50 места. Следува „Нова демократија“ со 28,09 отсто и 75 места, „Златна зора“ - 6,99 отсто и 18 места, „ПАСОК“ - 6,28 отсто и 17 места, „Комунистичката партија“ - 5,55 отсто и 15 места, „Потами“ - 4,09 отсто и 11 места, „Независни Грци“ - 3,69 отсто и 10 места и „Сојуз на ценстристите“ - 3,43 отсто и 9 места.

Осум партии не влегуваат во новиот парламент (7 беа во претходниот), наведува весникот „Та неа“ и истакнува дека формацијата „Национално единство“ останува надвор од парламентот. Во него места добива партијата на „Сојуз на центристите“.

Грците, кои не го искористиле своето право на глас, се со рекордно висок процент. 56,11% од регистрираните гласачи се појавиле на гласање, а 43,89 отсто не гласале. Овој процент на „воздржани“ на претходните предвремени избори во Грција бил 36,38%.

Лидерот на „СИРИЗА“, Алексис Ципрас и водачот на „Независни Грци“ Панос Каменос ќе пристапат кон формирање на владина коалиција. Се смета дека новата влада ќе има парламентарна поддршка од другите две партии - социјалистичката „ПАСОК“ и центристичката „Потами“, а исто така и дека ќе може да се смета на гласовите да влезат во новиот законодавен орган партија Сојуз на ценстристите.