ПОЧИНА НАЈКОНТРОВЕРЗНАТА ПОЛИТИЧКА ФИГУРА ВО ФРАНЦИЈА: За него „Холокаустот е само обичен детал од историјата, Ромите се смрдливи, еболата е решение...“

Добивај вести на Viber

Жан Мари Ле Пен, основачот на француската крајнодесничарска партија Национален собир, почина на 96-годишна возраст, потврди неговото семејство. Тој пред извесен период беше пренесен во болница поради сомневање за проблеми со срцето.

Таткото на Марин Ле Пен, актуелната лидерка на оваа партија и најжесток противник на францускиот претседател, Емануел Макрон, е поранешен падобранец кој ја водеше партијата од 1972 до 2011 година, кога беше наречена Национален фронт.

Минатата година, Ле Пен се соочи со обвинувања заедно со неговата ќерка Марин Ле Пен дека тие и други личности од нивната партија Национално собрание проневерувале пари од Европскиот парламент преку лажни зделки. Жан Мари Ле Пен доби оправдување да оди на суд поради здравствени причини.

Ле Пен постојано предизвикуваше контроверзии и правни дејствија со неговите ставови за холокаустот, кој тој го опиша како „обичен детал“ во историјата на Втората светска војна, и секако со пофалбата на француската воена влада во Виши, која соработувала со нацистичките окупатори во земјата.

Тој беше постојано осудуван и казнет за предизвикување злосторства против човештвото. Во 2014 година, тој сугерираше дека смртоносниот вирус ебола може да биде решение за глобалната експлозија на населението. Две години подоцна, тој беше осуден за „поттикнување омраза и етничка дискриминација“, бидејќи три години претходно на јавен состанок рече дека „Ромите во градот предизвикуваат осип и се смрдливи“.

Ле Пен стана доживотен почесен претседател на Националниот фронт кога неговата ќерка ја презеде функцијата лидер на партијата во 2011 година.

Ле Пен пет пати се кандидираше за претседател и ја шокираше Франција во 2002 година кога го исфрли кандидатот на социјалистите Лионел Жоспен од првиот круг на гласање и се најде пред Жак Ширак во вториот круг од гласањето за Елисејската палата. Ширак победи со убедлива разлика, со повеќе од 82 отсто од гласовите.

Жан Мари Ле Пен бил единствено дете, татко му бил рибар, мајка му шивачка. Неговиот татко починал кога Жан имал само 14 години, откако експлодирала мина што ја фатил со рибарска мрежа. На 16 години, Жан побарал да се приклучи на војската, но бил одбиен бидејќи бил премногу млад. Подоцна се приклучил на Падобранскиот полк на Француската легија на странци и учествувал во војната во Индокина и Алжирската војна за независност, за време на која бил обвинет за тортура врз затворениците.