ПОЧНА ПРОДАЖБАТА: Германците преземаат 14 грчки аеродроми!

Добивај вести на Viber

Грција се согласи да ги продаде правата на германската компанија за управување над 14 регионални аеродроми, што е прва таква одлука во бранот на приватизација кој ја очекува земјата како би ги исполнила условите за нова парична помош од меѓународните финансиски институции.

Грција, аеродромите, од кои некои се наоѓаат на популарни туриститички острови, ќе ги предадат во рацете на компанијата Франкфурт АГ, која управува со аеродромот во Франкфурт,како и други ширум светот.

Концесијата вредна 1,23 милијарди евра е прва одлука за приватизација на премиерот на Грција, Алексис Ципрас.

Приватизацијата составен дел од договорот

Владата првобитно го одбила приватизациониот програм, но Ципрас бил приморан да се откаже од предизборните ветувања како би добил меѓународна помош вредна 86 милијарди евра.

Договорот уште очекува потврда на парламентите на неколку европски земји. Шпанија го одобрила во вторникот, додека се очекува тоа денес да го направат и Германија и Холандија.

Независно од тоа, грчката влада благо ги олесни рестрикциите на банкарските трансакции, овозможувајќи им праќање на помали износи во странство прв пат во два месеци.

Министерот за финансии овозможил праќање на 500 евра по личност и до 8000 евра во текот на три месеци на студенти за трошоците за сместување.

Граѓаните сега може да отворат нови банкарски сметки, како би го исплатиле ратите на кредити, социјално осигурување и даночни долгови.