Почнува економскиот форум во Санкт Петерсбург – Македонија очекува да стане дел од Јужен Поток

Добивај вести на Viber

Од утре до сабота во „северната руска престолнина“ Санкт Петерсбург ќе биде собиралиште за светската бизнис елита, но и за шефови на држави и влади, како и министри. Санкт Петерсбург од утре ќе биде во центарот на политичко-економските збиднувања. И годинава на економскиот самит во „рускиот Давос“ се очекува да се собере дел од светската политичка и бизнис елита. Според најавите достпани на интернет страницата за форумот во Санкт Петерсбург не може да се забележат македонските претставници. Од регионот од она што е евидентирано како учесник може да се најде единствено името на хрватскиот министер за економија Иван Врдољак. На форумот во Санкт Петерсбург се очекува да партиципираат челниците на руски Газпром, Лукоил, понатаму на Сименс, високи претставници на ММФ, големи банкарски имиња од светот, шефови на влади и држави, министри. Министерот Ставрески најави потпишување на договор за Јужен Поток во Санкт Петерсбург     Министерот за финасии, Зоран Ставрески минатата недела најави дека деновиве ќе се потпише договорот за вклучување на Македонија во гасоводот Јужен поток. „Следната недела заедно со премиерот Никола Груевски ќе бидам во Русија. На крајот на неделата во рамките на Форумот во Санкт Петербург ќе се потпише договорот меѓу Русија и Македонија за влегување на нашата земја во Јужен тек“, изјави минатата недела министерот за финансии Ставрески. Сепак, според она што е прелиминарна листа на договори кои треба да се потпишат на формот сеушт го нема најавено договорот кој според Ставрески Македонија треба да го потпише со Русија за вклучување на земјата во проектот Јужен Поток. Во Санкт Петерсбург се очекуваат жешки дискусии Глобални економски прогнози, Русија – Америка, кои земји се најдобри за водење бизнис, ова се само дел од темите на кои ќе се дикутира во Санкт Петерсбург. Бизнис и политичката елита ќе се обидат да стигнат до одговори и практично да ги нацртат патеките по кои веројатно ќе се движи светската економска и политичка сцена.