Добивај вести на Viber
Спасувачките екипи успеаја да им достават храна и вода на 34-цата рудари кои цела ноќ се заробени во рудникот за јаглен Распоточје во Босна и Херцеговина, по одронот предизвикан од земјотрес.
Рударите останаа заробени во една од јамите по земјотресот со интензитет од 3,5 степени според Рихтеровата скала што вчера попладне го погоди регионот на Зеница. На спасувачите им беше потребна цела ноќ за да се пробијат под десетици метри земја и камен и да стигнат до заробените рудари.
Нивното извлекување се очекува да започне наскоро и да трае два часа. Во рудникот постојано пристигнуваат амбулантни возила и се подготвуваат да им пружат прва помош на рударите.
Според досегашните информации, сите рудари се живи и во добра здравствена сосотојба, а нивните семејства веќе можеле телефонски да се чујат со нив.