Подземните инсталации ќе се бележат во посебен катастар

Добивај вести на Viber

Инфраструктурен објект на Македонски телеком е првиот објект кој е впишан во подземниот катастар, кој започна да функционира денеска. Во овој катастар треба да се евидентираат сите подземни инфраструктурни објекти за во иднина да се намалат нивните оштетувања при ископувања на земјиштето. „При изведба на градежни активности, поради уништена инфраструктура граѓаните остануваа без електрична енергија, вода, телефон или интернет. Досега во Кастастарот воопшто немаше евидентирано каде се наоѓаат овие инфраструктурни објекти, ниту пак беше запишана нивната сопственост. Сега веќе можат сите компании кои имаат евиденција за инфраструкруните објекти да достават геодетски елаборат и да ја запишат сопственоста на нивните објекти“, објасни министерот за транспорт и врски Миле Јанакиески. Инфарструктурните објекти ќе се запишуваат во подземниот катастар до 24-ти април 2018-та година. Со тоа треба да се овозможи да се добијат информации за искористеноста на просторот, да се намалат оштетувањата на подземната инфраструктура, а и компаниите да добијат сопственост над оваа инфраструктура. „Создадени се услови за запишување на телекомуникациската инфраструктура и ги повикувам сите компании кои располагаат со соодветна градежно-техничка документација да ја достават и што поскоро да добијат имотен лист“, порача денеска Славче Трпевски, директор на Агенцијата за катастар на недвижности.