ПОГРЕБАЛНИТЕ ПРЕТПРИЈАТИЈА НЕ СМЕАТ ДА ГО ПРЕНЕСАТ ТЕЛОТО НА НАВАЛНИ: Утре е погребот, можно е да има и апсења

Добивај вести на Viber

Се плашам дека погребот нема да помине мирно, вели Јулија, сопругата на починатиот руски опозиционер Алексеј Навални. 

Погребот ќе се одржи утре во руската престолнина Москва.  Кира Јармус, портпаролката на Навални, на 6. објави дека богослужбата ќе се одржи во црквата на иконата на Богородица во московскиот кварт Маржино, каде што порано живеел Навални. Тој потоа ќе биде погребан на гробиштата Борисов. Соработниците на Навални велат дека Кремљ ги спречил нивните обиди да организираат посебна граѓанска комеморација. Кремљ ги негираше нивните обвинувања.

„Фактот што немаме граѓанска комеморација и што не можеме правилно да се збогуваме со Навални е вина на двајца – Владимир Путин и Сергеј Собјанин (градоначалникот на Москва). Оние од Кремљ го убиваа, го исмеваа, се потсмеваа на мајка му. Сега му се потсмеваат на сеќавањето“, напиша Јулија Навални, неговата сопруга на социјалната мрежа Х.

Навална напомена дека не знае дали ќе има апсења за време на погребот. Сојузниците на Навални денеска објавија дека се блокирани сите нивни обиди да ангажираат погребно возило за да го донесат неговото тело на погребот во Москва. Јармиш на X напиша дека непознати лица се заканувале на погребални фирми и затоа никој не се согласува да го пренесе неговото тело. Иван Жданов, друг соработник на Навални, најави дека неговиот тим допрва ќе најде начин да го оствари тоа. Навални почина на 16 февруари во затвор во северна Русија. Неговите сојузници го обвинуваат претседателот Владимир Путин дека го убил Навални. Кремљ вели дека Навални починал од природна смрт. И украинскиот разузнавач Кирило Буданов рече дека ќе ги разочара луѓето и дека Навални починал од тромбоза.