ПОЈАСИ СО ЕКСПЛОЗИВ ЗА ДЕЦА: Ова е дел од „пленот“ во Газа
Објавено во: Свет 24 Декември, 2023
Застрашувачко е она што го нашле израелските војници во Газа. Таму се пронајдени десетици минофрлачи и стотици други проектили, како и разузнавачки документи.
Израелската армија информира дека пронашла појаси со експлозив со детска големина. Истите биле наменети за деца во складиште за оружје на палестинското терористичко движење „Хамас“, јави ДПА. Магацинот бил лоциран кај станбена зграда во северниот дел на Газа, во близина на училишта, џамија и болница.
Војниците нашле десетици гранати и експлозиви во градот Кан Јунис. Израелските вооружени сили соопштија дека за 24 часа нападнале околу 200 цели во Појасот Газа по копно, воздух и море, при што, како што велат, се убиени голем број терористи.
Во Газа загинаа 20.424 луѓе, а само за 24 часа има 166 жртви. Хамас на 7 октомври изврши напади на Израел, уби над 1.200 израелски цивили, но и странци. Израел сега работи на уништување на Хамас.
фото ЕПА/Мохамед Сабер