Половина од 100-те најбогати милијардери во светот се од САД и Русија
Објавено во: Свет 04 Август, 2015
100-те најбогати милијардери на Земјата располагаат со вкупнa благосостојба, што е поголемa од бруто домашниот производ на речиси сите држави во светот.Сите нив ги обединува едно - тие стануваат се побогати со секојa изминатa година.
Најмладиот од 100-те најбогати луѓе во светот е Марк Цукенберг - основач на социјалната мрежа Фејсбук. Тој има само 31 години, а веќе поседува нето средства во вредност од 35 милијарди долари.
Најстариот од нив, еден од основачот на популарните во Европа и САД евтини синџири на супермаркети Aldi, почина во текот на летото на минатата година на 94-годишна возраст. Додека беше жив, тој беше оценет на 21-то место во рангирањето на најбогатите луѓе во светот.
67 години е просечната возраст на 100-те најбогати луѓе во светот, а нивната просечна благосостојба е еквивалентна на 15,7 милијарди американски долари.89 од нив се мажи, а само 11 се претставничките на понежниот пол.
Каква е распределбата на 100-те најбогати луѓе во светот по континенти и држави?
Северна Америка 40 од 100-те најбогати луѓе од Северна Америка, а меѓу нив има двајца Мексиканци и само еден Канаѓанец. Сите преостанати 37 лица од Соединетите Американски Држави. Тоа значи дека повеќе од 1/3 од најбогатите луѓе во светот се државјани на САД.
Европа
35 од 100-те најбогати во светот се Европејци. Најбројни меѓу нив се граѓаните на Руската Федерација - вкупно 11, што ја прави Русија втората земја на планетата по САД, во која живеат најмногу најбогати луѓе на Земјата.
Шестмина од 100-те најбогати во светот се од Германија и четворица од Франција.Италија и Шведска имаат по тројца од нив, двајца се од Швајцарија, а Велика Британија, Холандија, Шпанија, Кипар, Чешка и Украина имаат по еден.
Ако Европската унија официјално беше посебна држава, со нејзините 23 милијардери, кои влегуваат во 100-те најбогати во светот, таа требаше да ја измести Русија од првото место на Стариот континент и од вториот на Земјата.
Азија
Во Азија живеат 18 од 100-те најбогати милијардери на планетата. Најбројни меѓу нив се Кинезите - вкупно 7 лица, 4-ца од нив се од специјалниот административен регион Хонг Конг - колонија на Велика Британија до 1997 година. На второ место во Азија е рангирана Индија со нејзините 5 милијардери кои влегуваат во 100-те најдобри на глобално ниво.
Изненадувачки, само двајца од најбогатите милијардери во светот се Јапонци. Малезија, Саудиска Арабија, Филипините и Јужна Кореја исто така имаат по еден од најбогатите луѓе во светот.
Јужна Америка Само 5 од најбогатите милијардери во светот се јужноамериканци. Двајца од нив се Бразилци, уште двајца се колумбијци и еден е од Чиле.
Африка и Австралија
Континентите Австралија и Африка имаат само по еден милијардер, Австралиецот е од Австралискиот сојуз, а претставник на неконвенционалниот најсиромашен континент е жител на Нигерија.