Половина од градежните фирми во Шпанија се пред банкрот

Добивај вести на Viber

Се очекува бран од банкрот на градежни компании во Шпанија, откако банките ќе си ги побараат назад дадените пари за кредити, пренува Ројтерс. Од 2008 година, банките успеваа привидно да ја одржат рамнотежата на пазарот на недвижности во Шпанија бидејќи беа во состојба да рефинансираат заемите за градежниот бизнис. Тоа од една страна вештачки ги држеше дел од компаниите како платежоспособни, но ја одржуваше и работата на банките. Сепак, пренесуваат од Ројтерс, реалноста ќе удри по учесниците на пазарот на недвижности со полна сила, кога  банките ќе ги побараат лошите кредите, дали преку банкарски гаранции или преку имот ставен на хипотека. Во третиот квартал заштита од банкрот во Шпанија побарале над 1 400 компании, што е за 22% повеќе на годишно ниво. Околу една третина од овие компании се од градежниот сектор или пак се поврзани со пазарот на недвижности. Со оглед на недовршените проекти и градби со банкрот веројатно се соочуваат околу половина од шпанските градежни компании, коментира Рафаел Пол од „Jones Lang LaSalle“. „Банките во период од 4-5 години правеа рефинансирање на градежниот бизнис, но сега немаат поттик повеќе да го прават тоа. Во еден момент на оваа приказна треба да и се стави крај ", тврди Пол.