ПОЛСКИ МИНИСТЕР БАРА РАКЕТИ СО ДОЛГ ДОСТРЕЛ ЗА УКРАИНА: Захарова се заканува
Објавено во: Свет 03 Јануари, 2024
Русија се заканува на Полска, откако полски политичар повика западните земји да обезбедат ракети со долг дострел за Украина.
Министерот за надворешни работи на Полска, Радослав Сикорски ги повика западните сојузници да му дадат на Киев ракети со долг дострел и да ги зголемат санкциите против Русија. На оваа изјава реагираше портпаролката на руското Министерство за надворешни работи (МНР), Марија Захарова.
„Овие ракети имаат способност да летаат до границите на Полска? Малку им беше она што веќе долета од територијата на Украина? Новогодишните желби мора да се остварат“, додаде таа.
Да потсетиме, тој денеска побара на Киев да му се обезбедат ракети со долг дострел за да гаѓаат руски командни центри и ракетни силоси на територијата на Руската Федерација.
„Разбирам дека Сикорски нема исклучителни идеи, само американски. Но, не знаев дека тоа оди до тој степен што тие се спремни да тргнат против сопствената држава. Иако, големо прашање е која земја тој ја смета за своја“, заклучи Захарова.
Последните неколку дена Русија изврши напади на повеќе украински градови, но и Украина врати со напади на Белгород на руска територија каде имаше жртви и повредени.