Помали трошоци за регистрација, ама увозот на половни автомобили годинава е преполовен
Објавено во: Економија 25 Ноември, 2020
Со измени на Законот за регистрација на возила со странски регистерски таблици, Владата овозможува поевтина регистрација на овие возила за дури 50 отсто. Измени беа усвоени на вчерашната владина седница а власта се надева дека на тој начин ќе се обезбеди во буџетот приход од 25 милиони евра. Со пониски давачки ќе можат да се регистрираат возилата кои се увезени до 1 октомври годинава. Нема точна проценка колку автомобили се возат со страснки регистрации. Годинава е специфична и за увозот на употребувани патнички возила затоа што значајно е намален бројот ако се споредува со претходните години.
Последните податоци на Царинската управа покажуваат дека заклучно со октомври во земјава се увезени 18.145 употребувани патнички возила - лани бројот е за безмалку 12.000 повисок. Имено лани до тој месец биле увезени околу 30.000 половни патнички возила. Падот на увозот од Царинската управа го објаснуваа со воведувањето од годинава на механизмите во новиот данок на моторни возила, чија цел беше спречување и демотивирање на граѓаните за купување на половни возила со високи емисии на СО2.
Прецизно годинава за 10 месеци се увезени 24.967 патнички возила од кои 4.275 се нови, а 18.145 се употребени. Во истиот период увезени се 1.753 употребувани товарни возила и 131 употребувани автобуси или минибуси.
Инаку по години, ако се анализира увозот на половни патнички автомобили до 2019 година имаше тренд на раст. Во 2017 увезени се 22.964 употребувани патнички возила, во 2018 година 30.237 половни патнички возила, а во 2019 година 38.580 возила.
Владата вчера соопшти дека одредбите од овој Предлог-закон се однесуваат на возила увезени до 1 октомври оваа година и со најмалку Еуро 4 стандард и ќе се применуваат за времетраење од една година. Предлог-законот ги опфаќа моторните возила за превоз на патници (категорија М), возилата за превоз на товар (категорија N), возилата на две и три тркала и квадрацикли (категорија L) и приколки – вклучително и полуприколки (категорија О)“.
А.Т.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ВОЗАЧИ, ЕВЕ ШТО ТРЕБА ДА ЗНАЕТЕ КОГА УТРЕ ЌЕ ОДИТЕ НА БЕНЗИНСКА - Регулаторна со нови цени на горивата
Еве ги најголемите економски патриоти! Кои се најголемите македонски извозници меѓу котираните компании?
МИЦКОСКИ КАЖА КОГА КОНЕЧНО ЌЕ СЕ ДЕФИНИРААТ УСЛОВИТЕ ЗА УНГАРСКИОТ КРЕДИТ: Еве што најави
ВО СРЕДА ЌЕ ИМА ЈАВНА БЕРЗАНСКА АУКЦИЈА ЗА 9,83 ОТСТО - кој ќе искешира 7,34 милиони евра за акции на „Македонијатурист“
ШТО Е ТОА ШТО ГИ РАЗЛИКУВА „ТЕМУ“, „АЛИЕКСПРЕС“ И „ШЕЈН“: Голема трка за новиот кинески император
БАНКРОТ НА ЕВРОПСКИОТ ГИГАНТ ЗА БАТЕРТИИ: Директорот поднесе оставка откако се тргна надолу
Должник на МЕПСО од Косово пред суспензија од пазарот за електрична енергија
ОВА Е НАЈОМРАЗЕНИОТ ЧОВЕК НА ВОЛСТРИТ: Трамп го номинираше за министер за трговија
