Поплавени два моста на Радовишка река, отсечени 1.500 жители од Злеово
![](/media/main/2013/02/poplava.jpg)
Објавено во: Македонија 26 Февруари, 2013
Поради силниот пороен дожд и надојдените води од Радовишка река, урнати се два моста кај селата Покрајчево и Злеово, а мостот кон селото Јаргулица што ги поврзува со магистралниот пат Струмица - Штип е во критична состојба.
Околу 1.500 жители од селото Злеово целосно се отсечени, а урнатиот мост им е единствена комуникација кон Радовиш и Струмица.
Градоначалникот на општина Радовиш Роберт Велков вели дека направените штети се големи во четири села во Радовишкиот регион. Поплавено е Радовишко поле, со големи штети на земјоделските култури, кои се сите под вода. Велков најави дека ќе го извести Центарот за управување со кризи и Дирекцијата за заштита и спасување.
Во село Ораовица село меѓу другото поројниот дожд има однесено и еден автомобил, а се направени и големи штети на земјоделските посеви.
Поплавени населени места во кочанско
Освен на Радовишка река, надојдените води на Злетовска река од ноќеска ги поплавија населените места Пишица и Трипатанци, Пробиштипско, при што водата навлезе и во домовите и помошните простории.
Утрово децата и вработените од овие населени места не заминаа на училиште и на работа бидејки локалниот пат кој води до населбите е поплавен од вода.
Надојдените води на Злетовска река се излеаја во атарот на кочанското село Уларци каде што се поплавени голем број куќи, штали и магацини. Од изутринава жителите на ова село се борат со водената стихија, копајќи канали за одводнување на надојдената вода.
Од поројните дождови зголемен е водостојот на Кочанска река, а Акумулацијата Градче крај Кочани е на прелив. Благодарение на исчистените канали и речни корита во атарот на полските села Горни и Долни Подлог и Мојанци, Кочанска река и реката Брегалница истекуваат во своите речни корита.
Од Македонија пат секција Кочани изутринава и во текот на денот механизација работи на расчистување на одроните од камења и земја на магистралчниот пат кон Делчево над селото Истибање, како и на регионалниот пат Виница-Берово над селото Лаки, каде што има големи одрони од камења и земја. Сообраќајот на овие патни правци се одвива под отежнати услови
Можеби ќе ве интересира
ФАКТОР НА ДЕНОТ: Учебната година ќе почне утре, Филипче вели дека наставниците треба да добијат повисоки плати
![](/media/main/250x170/2013/09/prvacinja1.jpg)
ИСЧЕЗНА МОМЧЕ ОД ЃОРЧЕ ПЕТРОВ: Полицијата трага по него
![](/media/main/250x170/2024/09/20240901194358.jpg)
ЦУК: Хеликоптер e пратен да спаси германски параглајдерист во Крушево
![](/media/main/250x170/2024/09/20240901193038.jpg)
ПРОЛЕТНИОТ РАСПУСТ СЕ УКИНУВА: Утре почнува новата учебна година
![](/media/main/250x170/2020/08/20200826123605.jpg)
НОВ СЛУЧАЈ: Работници од Бангладеш исчезнале во тетовско
![](/media/main/250x170/2013/07/policija.jpg)
„Вреди“: Иницијативата за интерпелација на Гаши е обид за дестабилизација
![](/media/main/250x170/2021/12/20211221201813.jpg)
(ВИДЕО) ЛЕФКОВ: Бисера со службена картичка купила два авионски билети за Лондон, а потоа не заминала на пат
![](/media/main/250x170/2024/09/20240901171750.png)
АКТИВНИ СЕ ЧЕТИРИ ПОЖАРИ: Гори кај селото Долно Јаболчиште во Општина Чашка
![](/media/main/250x170/2024/08/20240828122533.jpg)
ИНТЕРВЈУ СО МИНИСТЕРОТ ЗА ПРАВДА ИГОР ФИЛКОВ: Секој што злоупотребил функција нема да остане неказнет, и за тоа ќе најдеме соодветно решение
![](/media/main/250x170/2024/08/20240831165750.jpeg)